Hjálpartól
Stuðul til hjálpartól kann eftir umsókn veitast til, ein part av teimum hjálpartólum, sum eru at finna á niðanfyri standandi leinkjum.

Dømi um hjálpartól
Leinkjurnar vísa til hjálpartólabasan hjá danska Hjálpartóla Instituttinum HMI.


·        Venjing og fyribyrging (sera fá tól úr hesum bólki kunnu játtast) 
·        Persónligt reinføri
·        Flutning
·        Húsarhald
·        Innrætting og tillaging av íbúð
·        Samskifti, kunning og ávaring
·        Handfaring og flutning av vøru
·        Tillaging og betran av nærumhvørvi
·        Spæl og frítíðarítriv

Hvør kann fáa stuðul

Søkjast skal um hjálpartól, og verður mett um tørvin í hvørjum einstøkum føri, og kunnu øll, sum verða mett, at lúka treytirnar sambært forsorgarlógini § 18 b og tilhoyrandi kunngerð, kunnu fáa stuðul.


Hjálpartólini verða lænt út, tað vil siga, at tey skulu latast Almannaverkinum aftur, tá ið tørvur ikki er á teimum longur.


Fyrivarni
Fyrivarni verður tikið fyri, at Almannaverkið ikki veitir júst tey tól, sum verða víst á heimasíðuni, leinkjurnar vísa til, men tilsvarandi tól, ið nøkta tørvin.

Eisini verður fyrivarni tikið fyri, at lóggávan er øðrvísi í Føroyum enn í tí landi, heimasíðurnar hoyra til, og tí verður stuðul ikki veittur til ávís tól í Føroyum.


Umsóknarblað til hjálpartól og mátitalva til persónsmát er at finna undir oyðubløð.



Dagført tann 06-09-2013