Tín rættur í sambandi við málsviðgerðina

Tú hevur rætt til at verða hoyrd/-ur í sambandi við málsviðgerðina og at fáa innlit í títt mál. Tú hevur rætt til at lata teg umboða av øðrum, um tú ynskir tað. Eisini kanst tú hava ein hjáseta við tær, tá tú t.d. ert til samrøðu á Almannaverkinum.


Hevur tú ynski um at lata teg umboða ella at hava hjáseta, eigur tú at siga Almannaverkinum frá tí frammanundan.

Tú hevur rætt til at fáa skrivliga grundgeving, um umsókn tín ikki verður gingin á møti fult út. Og tú kanst altíð kæra eina avgerð hjá Almannaverkinum til kærunevndina í Almanna- og Heilsumálum. Treyt er tó, at kært verður innan 4 vikur.

 

 



Dagført tann 19-07-2013