Almenn upplýsing

Almannaverkið hevur skyldu at upplýsa borgaran um rættindi og hjálparmøguleikar sambært galdandi lógum á almannaøkinum.

At røkja hesa skyldu hevur Almannaverkið heimasíðu, har til ber at kunna seg um lógir og virksemi á stovninum. Oyðubløð og faldarar eru at finna á heimasíðuni, eins og tey fáast á økisdeildunum.

Tá ið broytingar eru í lógum og upphæddum, ið hava týdning fyri borgaran, verður lýst og kunnað í fjølmiðlum.

Við millumbilum verður kunning send øllum húskjum í Føroyum. Endamálið er at greiða frá, hvussu stovnurin arbeiðir, og hvør hjálp fæst á stovninum.


Kunningarrit varð sent í hvørt hús í 2011. Kunningarritið fæst eisini á heimasíðuni undir Hentleikar - Faldarar - Kunningarrit um veitingar og tænastur frá Almannaverkinum.

 

 



Dagført tann 15-07-2013