Tilvísing til Almannaverkið

Undir Almannaverkinum hoyra ymisk hjálpartilboð til eldri, vaksin og børn, ið bera likamlig ella sálarlig brek.

Eldradepilin fevnir um heimarøkt, heimahjálp, eldrasambýlið og eldrastovnar. Er tørvur á heimarøkt ella bútilboð fyri eldri, skal ein venda sær til økisleiðaran í  Almannaverkinum í tí økinum, sum ein býr.

Undir Almannaverkinum hoyra harumframt Stuðulsfólkaskipan fyri børn og vaksin, ið bera brek ella hava varandi sjúku, eins og sambýli, bústovnar og vard verkstøð fyri likamliga og sálarliga førleikatarnað.

Um tú hevur brúk fyri serligum bú- ella stuðulsfólkatilboði

Tá fólk við breki ella varandi sjúku, ið  eru yngri enn  67 ár og búgva heima, hava brúk fyri at fáa stuðulsfólka- ella bústaðartilboð, skulu tey venda sær til Almannaverkið.


Almannaverkið hevur skyldu at lýsa tørvin hjá tí, ið ynskir at verða uppskrivaður til hesi tilboð, og at gera sítt tilmæli um fyriskipan. Harumframt tekur Almannaverkið lut á upptøkufundum til hesi tilboð.

 

 



Dagført tann 12-10-2012