Hjálparviðbót
Hjálparviðbót kann tillutast fyritíðarpensjónisti, sum støðugt má hava persónliga hjálp frá øðrum, er blindur ella hevur nógv niðursetta sjón.

Røktarviðbót
Røktarviðbót kann tillutast fyritíðarpensjónisti, sum hevur tørv á varandi røkt ella støðugari umsjón, ið ger tað neyðugt, at onnur støðugt eru hjáverandi.

Røktar- og hjálparviðbót fella vanliga burtur, um viðkomandi fær ansing sambært lóg um samsýning fyri at ansa eldri og óhjálpnum heima, stuðul frá Stuðulsfólkaskipanini, uppihald á stovni ella sambýli og líknandi stuðul, ið hevur sama endamál sum viðbøturnar.

Persónlig viðbót
Persónlig viðbót kann verða veitt pensjónisti, sum hevur serliga trupul kor. Viðbótin kann verða veitt til eina neyðuga og rímiligt grundaða stakútreiðslu, sum pensjónisturin ikki metist at hava ráð til, ella sum ískoyti til eina neyðuga og væl grundaða framhaldandi útreiðslu.

Almannaverkið ger eina heildarmeting av støðuni hjá umsøkjaranum fyri at meta, um rímiligt er at veita persónliga viðbót. Mett verður um útreiðsluna, og við støði í ognar-, inntøku- og útreiðsluviðurskiftunum hjá umsøkjaranum verður mett, um ráðini hjá henni/honum at rinda útreiðsluna sjálv/-ur. Stuðul kann verða veittur til fullu útreiðsluna ella part av henni, um umsøkjarin sjálvur klárar at rinda ein part.

Mánaðarligar upphæddir fyri røktarviðbót, hjálparviðbót og persónliga viðbót síggjast á síðuni Almannaveitingar upphæddir.

 



Dagført tann 04-09-2013