Hvussu verður uppihaldshjálp roknað?

Almannaverkið ger eina meting av, hvussu stórur fíggjarligi tørvurin er. Ein ávís upphædd verður veitt til mat, klæði og líknandi útreiðslur. Henda  upphæddin svarar til grundupphæddina í fólkapensjónini.

Stakur Kr. 4.169
Sambúgvandi / giftur Kr. 3.313

 

Omaná verða lagdar fastar útreiðslur so sum húsaleiga, el, hiti, heilsutrygdargjald, tryggingargjald, barnaansing og tílíkt. Føstu útreiðslurnar skulu vera rímiligar, tað vil siga at umsøkjarin hevur klárað at gjalda hesar útreiðslur, áðrenn hann var fyri broytingini.

 

Fyri børn undir 18 ár verður ein viðbót fyri hvørt barnið løgd aftrat, umframt at barnafrádráttur verður lagdur afturat veitingini.

 

Veitingin er fyribils.

 

Hámark fyri veitingini

Vanliga kann upphæddin ikki vera størri enn nettoinntøkan undan broytingini.

 

Veitingin kann vanliga heldur ikki vera hægri enn hægsta gjaldið eftir dagpeningalógini, tað vil siga 80% av einari arbeiðsmannaløn. Við arbeiðsloysi kann veitingin ikki vera hægri enn 75% av arbeiðaralønini.

 

Hevur tú ella hjúnafelagin inntøku, sum ger, at tit klára at uppihalda tykkum, ella partvís klára tað, minkar veitingin samsvarandi. Útgoldin avlopsskattur og frítíðarløn eru eisini at síggja sum inntøka at nýta til uppihalds.

Ogn
Um tú ella hjúnarfelagin eigur ogn, kann tú ikki fáa útgoldið forsorgarveiting. Við ogn er at skilja reiður peningur, so sum í banka ella ognir av týdningi, ið kunnu nýtast til at nøkta tín fíggjarliga tørv. Veiting vegna endurbúgving ávirkast ikki av ogn.

3 dømi

Allar veitingar eru skattafríar.


Dømi 1

Stakur persónur í leiguíbúð í Tórshavn

Útreiðsla

Kostnaður um mánaðin

Húsaleiga

Kr.4.000

Innbúgvstrygging

Kr. 74

Olja

Kr. 1.000

El

Kr. 667

Telefon hald

Kr. 115

Heilsutrygd

Kr. 245

Kringvarpsgjald

Kr. 302

Útreiðslur tilsamans

Kr. 6.292

Grundarupphædd

Kr. 4.169

Tørvur tilsamans

Kr. 10.461

Sjúkradagpengahámark

Kr. 10.836

Allar útreiðslur eru árligar útreiðslur býttar á hvønn mánað.


Persónurin í hesum dømi fær útgoldið kr. 10.571 mánaðarliga í forsorgarveiting, svarandi til hansara tørv.



Dømi 2

Giftur persónur við 2 børnum í egnum húsi (við sethúsaláni) í Tórshavn

Útreiðsla

Kostnaður um mánaðin

Rentur eftir rentustuðul

Kr. 4.650

Brunatrygging

kr. 500

Innbúgvstrygging

Kr. 167

Olja

Kr. 1.700

El

Kr. 1.000

Barna ansing

Kr. 3.850

Telefon hald

Kr. 115

Heilsutrygd (2 fólk)

Kr. 490

Kringvarpsgjald

Kr. 302

Biltrygging

Kr. 167

Vegskattur

Kr. 217

Útreiðslur tilsamans

Kr. 12.667

Grundarupphædd (2 fólk)

Kr. 6.626

Barnaviðbót (2 børn)

Kr. 4.224

Tørvur tilsamans

Kr. 23.517

Sjúkradagpengahámark

Kr. 10.836

Sjúkradagpengahámark

Kr. 10.836

Barnafrádráttur

Kr. 1.833

Netto hámark hjún

Kr. 23.505

Netto hámark umsøkjari

Kr. 11.753

Allar útreiðslur eru árligar útreiðslur býttar á hvønn mánað.


Persónurin í hesum dømi kann fáa upp til kr. 11.753 í forsorgarveiting, svarandi til netto dagpengahámarki hjá umsøkjaranum. Um hjúnafelagin hevur inntøku omanfyri kr. 11.753 ávirkar inntøkan, útgjaldið persónurin fær í forsorgarveitng.
 

Dømi: Um hjúnafelagin hevur eina inntøku eftir skatt á kr. 15.000, verður útgjaldi til forsorgarmóttakaran kr. 8.505 (kr. 23.505 – kr. 15.000 = kr. 8.505)


GG: Fólk í endurbúgving fáa eina veiting sum er óheft av ogn og inntøku hjá hjúnarfelaga.



Dømi 3 –Sambúgvandi
Vóru somu fólk ikki gift, men sambúgvandi, verða felags útreiðslurnar býttar í helvt. Tørvurin verður býttur í helvt og inntøkan hjá sambúgva ávirkar ikki veitingina, sum forsorgarmóttakarin fær.

Útreiðsla

Kostnaður um mánaðin

Rentur eftir rentustuðul

Kr. 2.325

Brunatrygging

kr. 250

Innbúgvstrygging

Kr. 83

Olja

Kr. 850

El

Kr. 500

Barnaansing

Kr. 1.925

Telefon hald

Kr. 58

Heilsutrygd

Kr. 245

Kringvarpsgjald

Kr. 151

Biltrygging

Kr. 84

Vegskattur

Kr. 108

Útreiðslur tilsamans

Kr. 6579

Grundarupphædd

Kr. 3.313

Barnaviðbót (2 børn)

Kr.2.112

Tørvur tilsamans

Kr. 12.004

Sjúkradagpengahámark

Kr. 10.836

Barnafrádráttur

Kr. 1.833

Netto hámark

Kr. 12.669

Allar útreiðslur eru árligar útreiðslur býttar á hvønn mánað.


Persónurin í hesum dømi kann fáa upp til kr. 12.004 í forsorgarveiting svarandi til tørv.



Dagført tann 06-09-2013