Garðsstova
Garðsstova er partur av eind 10 í Trivnaðardeplinum.
Samband fæst við eindarleiðsluna her


Garðsstova

Garðsgøta 31

160 Argir

Tlf.: 318914 og 297951






Garðsstova heldur til í einum sethúsum á Argjum og er partur av Bú- og viðgerðarstovninum. Pláss er fyri fimm børnum/ungum. Børnini/tey ungu hava sítt egna kamar, sum tey sjálvi seta dám á. Arbeitt verður eftir sosialpedagogiskum leisti, og dentur verður lagdur á at skapa eitt so vanligum barna- og ungdómslív sum gjørligt. Eisini verður dentur lagdur á at hava sosialar løtur saman. Børnini/tey ungu taka lut í húsliga arbeiðinum eftir aldri og førleika.

Skúli, arbeiði og frítíðarítriv eru partar av gerandisdegnum, tá brúka tey oftast býbuss. Stovnurin hevur egnan bil. Húsafundir eru hvørja viku har børnini/tey ungu eru við at taka avgerð um matarætlan, útferðir og tiltøk. Børnini/tey ungu hava atgongd til internet, teldur og I-pad. Eisini hevur stovnurin trampolin, súkklur, vátdraktir og fýrahjólarar. Børnini/tey ungu ferðast saman við starvsfólki tvær ferð um árið í egnum landi, og annað hvørt ár uttanlands.

Bú- og viðgerðarstovnurin er ætlaðir børnum og ungum í aldrinum 0- 18 ár, í serligum førum til 21 ár. Tað eru barnaverndartænastur kring landið, sum innskriva børn og ung á stovnin.

Í Garðsstovu arbeiða sjey námsfrøðingar.




Dagført tann 23-08-2016