Sambýlið á Hóvabrekku 3 Sambýlið á Hóvabrekku er partur av eind 6 í Trivnaðardeplinum.

  

Sambýlið heldur til á Hóvabrekku 3 á Argjum. Á sambýlinum búgva 11 borgarar við menningartarni og autismu. Borgararnir hava hvør sítt kamar. Harumframt hava teir atgongd til felags køk, stovur, baðirúm og vaskirúm. Borgararnir hava somuleiðis atgongd til massagurúm og venjingarrúm.
  

Í arbeiðinum á sambýlinum verður dentur lagdur á at skapa eitt gott og trygt heim, og við støði í tí einstaka borgaranum at menna førleikarnar hjá viðkomandi. Borgararnir eru eftir førimuni við í húsliga arbeiðinum at gera mat, vaska klæðir, gera reint og keypa inn.

Gerandisdagar eru fleiri av borgararunum til arbeiðis í virknis- ella verkstaðstilboði. Tey ið ikki megna at fara av húsinum, eru heima.


Í frítíðini taka borgararnir lut í ymiskum virksemi í føroyska samfelagnum og ferðast ymsastaðni í Føroyum og uttanlands.


Náttarvakt er á sambýlinum.

   

 

Sambýlið á Hóvabrekku

Hóvabrekka 3

 

160 Argir

Tlf. 315424

Teldupostur: hovabrekku@av.fo








Dagført tann 25-09-2018