Bú og viðgerðartilboð í Børkugøtu 2A
Bú- og viðgerðartilboðið í Børkugøtu 2A er partur av eind 5 í Trivnaðardeplinum. Samband fæst við eindarleiðsluna her


Børkugøta 2A heldur til á Ternuryggi í Tórshavn. Bú- og viðgerðartilboðið er ætlað 4 ungum borgarum við menningartarni, sum hava góðar møguleikar at mennast og gerast sjálvbjargnir.

 

Børkugøta 2A er ein fyribils búfyriskipan, har arbeitt verður fram í móti, at borgararnir eftir 2-3 árum kunnu liva eitt so sjálvbjargið lív, sum til ber. Borgararnir hava hvør sítt kamar. Harumframt hava teir atgongd til felags køk, stovu og baðirúm. Borgararnir hava ábyrgd av at gera mat, gera reint, vaska klæðir og keypa inn.

 

Gerandisdagar eru borgararnir til arbeiðis ella í skúla.

 

Borgararnir hava javnan fundir, har ymisk evnir verða viðgjørd sum t.d.felags leiðreglar í húsinum, matarætlanin og onnur viðurskifti. Teir taka eisini sjálvir stig til ymisk tiltøk so sum biograftúrar, venjingar og svimjing.

Ongin náttarvakt er á bú- og viðgerðartilboðnum.

 

Bú- og virkistilboð í Børkugøtu 2A

Bú- og viðgerðartilboð í Børkugøtu 2A
Børkugøta 2A

100 Tórshavn

Tlf. 297378

Teldupostur: borkugota2@av.fo

 

 



Dagført tann 14-12-2017