Sambýlið í Smærugøtu

Sambýlið í Smærugøtu er partur av eind 5 í Trivnaðardeplinum.

Sambýlið heldur til í Smærugøtu í Tórshavn. Á sambýlinum búgva 4 borgarar við menningartarni. Nakrir av teimum hava eisini sálarligar trupulleikar. Borgararnir hava hvør sína íbúð. Harumframt hava teir atgongd til felags køk, stovu og vaskirúm.


Í arbeiðinum á sambýlinum verður dentur lagdur á, at borgararnir fáa møguleika at mennast, tá tað snýr seg um at siga sína hugsan, koma við ynskjum og at samskifta hvør við annan. Somuleiðis verður dentur lagdur á, at teir hava ávirkan á og ábyrgd av egnum viðurskiftum í gerandisdegnum. Borgararnir eru eftir førimuni við í húsliga arbeiðinum at gera mat, vaska klæði, gera reint og keypa inn.


Gerandisdagar eru borgararnir til arbeiðis ella á virknis- ella verkstaðstilboði.

Í frítíðini taka borgararnir lut í ymiskum virksemi í føroyska samfelagnum sum t.d. í frítíðarklubba, í kvøldskúla, ymiskum ítrótti, á bingo og á møti.


Ongin náttarvakt er á sambýlinum.


Sambýlið í Smærugøtu

Smærugøta 29
100 Tórshavn.
Tlf. 297429/321068

Teldupostur: samsmaru@av.fo 






 




Dagført tann 25-09-2018