Sambýlið í Pætursgøtu 3Sambýlið í Pætursgøtu er partur av eind 3 í Trivnaðardeplinum.

Sambýlið heldur til í Hoyvík. Í sambýlinum búgva 4 borgarar við autismu. Borgararnir hava hvør sína íbúð. Harumframt hava teir atgongd til felags køk og stovu. 

Í arbeiðnum á sambýlinum verður dentur lagdur á at skapa eitt gott og trygt heim, og við støði í tí einstaka borgaranum at menna førleikarnar hjá viðkomandi. Borgararnir eru eftir førimuni við í húsliga arbeiðinum at gera matm vaska klæðir, gera reint og keypa inn.

Gerandisdagar eru flestu borgararnir til arbeiðis í onkrari fyritøku ella í virknis- ella verkstaðstilboði.

Í frítíðini taka borgararnir lut í ymiskum virksemi í føroyska samfelagnum og ferðast ymsastaðni í Føroyum og uttanlands.

Húsfólkafundur er hvørja viku, har borgararnir á sambýlinum eru við til at avgera túrar, útferðir, matarætlan o.a.

Náttarvakt er á sambýlinum.


Sambýlið í Pætursgøtu

Pætursgøta 3
188 Hoyvík

Tlf. 316422/297417

Teldupostur: sampatur@av.fo

 



Dagført tann 09-01-2019