Sambýlið á Blikagøtu

 

Sambýlið á Blikagøtu er partur av eind 2 í Trivnaðardeplinum.

 

Sambýlid heldur til á Blikagøtu í Runavík. Á sambýlinum búgva 12 borgarar við menningartarni, rørslu- ella fjølbreki. Borgararnir hava hvør sína íbúð. Harumframt hava teir atgongd til felags køk og stovu.

 

Í arbeiðinum á sambýlinum verður dentur lagdur á at skapa eitt trygt, viðurkennandi og mennandi umhvørvi, og við støði tí einstaka borgaranum at menna førleikarnar hjá viðkomandi. Borgararnir hava sjálvir ábyrgd av húsliga arbeiðinum at vaska klæðir, keypa inn, gera døgurða og gera reint í íbúðini.

 

Gerandisdagar eru borgararnir til arbeiðis í fyritøku, í virknis- ella verkstaðstilboði ella á dagtilboðnum á Mýrisóljuni.

 

Í frítíðini taka borgararnir lut í ymiskum virksemi í føroyska samfelagnum sum t.d. í kvøldskúla, í frítíðarklubba og til ymiskan ítrótt.

 

 

Sambýlið á Blikagøtu 75

Blikagøta 75

620 Runavík

Tlf. 297398/297399


 



Dagført tann 05-04-2018