Upphæddir

Veitingin sum tú fært sum uppihaldshjálp sambært forsorgarlógini er ein føst lógarásett upphædd, sum er skattskyldug.
 
Fasta upphæddin er ásett eftir um tú ert:
 
•    yngri enn 25 ár ella um tú ert 25 ár ella eldri,
 
•    um  tú  býrt  einsamøll/  einsamallur ella um tú ert sambúgvandi, og
 
•    um tú hevur børn at forsyrgja ella ikki
 
Um serlig viðurskifti gera seg galdandi hjá tær, so er møguligt at søkja eitt ískoyti til ásettu veitingina.   
 
Allar inntøkur hjá tær verða mótroknaðar í veiting eftir forsorgarlógini. Partar av inntøkuni hjá møguligum hjúnafelaga verða somuleiðis mótroknaðar í veitingini eftir forsorgarlógini.
 
Umsóknarblað til uppihaldshjáp er at finna undir Oyðubløð

Tær ávísu upphæddirnar eru at finna undir Almannaveitingar upphæddir


Virknisviðbót og veiting í sambandi við arbeiðsbúgving
 
Í tíðarskeiði, har tú luttekur í virknisvenjing á einum almennum ella privatum arbeiðsplássi fært tú umframt veiting eftir forsorgarlógini eisini eina virknisviðbót á 1.000 kr. um mánaðin, sum ikki er skattskyldug. Sí § 7 í lóg um arbeiðsfremjandi tiltøk og kunngerð nr. 114 frá 27. november 2012 um virknisvenjing.



Dagført tann 15-05-2015