Álit og eftirlit

Tvey heiti, sum tykjast at vera í andsøgn við hvørt annað. Kunnu vit hava álit, tá vit hava eftirlit og hinvegin kann eisini spyrjast um vit kunnu hava eftirlit, tá vit hava álit. 


Á ráðstevnuni " Vit vilja gera mun” hjá Almannaverkinum heldur danski granskarin Tina Øllgaard Bentzen fyrilestur um hugtøkini álit og eftirlit, og hvussu vit eiga at hyggja øðrvísi at teimum.

 

Tina Øllgaard Bentzen granskar í stýring og leiðslu í almenna geiranum, og hevur skrivað eina p.hd ritgerð um júst hesi evni. Ritgerðin hevur í Danmark sett hol á eitt kjak um, hvussu álit kann fáa betri rúmd í almennum organisatiónum.

 

Tina Øllgaard Bentzen leggur í fyrilestrinum upp til eitt kjak um, hvørjar treytir skulu vera til staðar, um álit og eftirlit kunnu styðja undir hvørt annað. Heldur enn bara at vera ein andsøgn og antin ella.

 

Ráðstevnan "Vit vilja gera mun” er í Norðurlandahúsinum fríggjadagin 5. mai millum klokkan 9 og 16. Ráðstevnan er ókeypis og øll eru vælkomin.