Seinheilaskaði

Hugtakið seinheilaskaði verður nýtt, tá heilaskaðin ikki er viðføddur, men íkomin seinni í lívinum. Seinheilaskaði kann koma av heilabløðing, blóðtøppi ella vanlukku og kann hava við sær árin á fatanarligu og/ella kropsligu førleikarnar. Fólk við seinheilaskaða kunnu vera sera ymisk, alt eftir hvussu skaðin hevur rakt: summi klára seg við lítlari hjálp, og onnur hava tørv á víðfevnandi hjálp og stuðli restina av lívinum.