Orkuískoyti

Nú nú kunnu húski við lágari inntøku og lítlari ogn søkja um orku ískoyti.

Umsóknarblað finst her!

Avgerð um rættin til orkuískoyti er grundað á inntøku- og ognarviðurskiftini sambært TAKS.

Bústaður sambært landsfólkayvirlitinum, er avgerandi fyri hvør hoyrir til húski.

Neyðugt er, at allir persónar yvir 18 ár og sum sambært Landsfólkayvirlitinum eru skrásettir á bústaðnum vátta á umsóknarblaðið, at Almannaverkið kann útvega sær upplýsingar av týdningi fyri viðgerð av málum um orkuískoyti frá skattamyndugleikum, landsfólkayvirlitinum, kommunalum myndugleikum og øðrum viðkomandi, ið hava kunnleika til viðurskiftini, herímillum frá peningastovnum, um hetta gerst neyðugt fyri málsviðgerðina.

Persónur upp til 23 ár, sum sambært fólkayvirlitinum er skrásettur at búgva saman við einum ella báðum foreldrum, kann eiga upp til kr. 50.000, sum ikki verður roknað sum ogn.

Umsóknarfreistin, fyri árið í ár, er 30. juni 2025

Meira fæst at vita her!