Fjølbrek

Fjølbrek hevur við sær fatanarliga, sansaliga og rørsluliga skerjing. Talan kann vera um viðføtt brek ella skaða undir føðing. Fólk við fjølbreki hava tørv á nógvum hjálpartólum og sita ofta í koyristóli, eins og tey kunnu hava ilt við at samskifta á vanligan hátt. Tey hava ofta tørv á serligum samskiftisamboðum og kunnu menna seg samskiftisliga í samspæli við onnur. Fólk við fjølbreki hava oftast tørv á nógvari hjálp frá øðrum.